×

Атырау облысында бөгет салу кезінде адам сүйектері табылды

Құзыретті органдардың қызметкерлері бұл фактіні ақпаратты есепке алу кітабына тіркеді

Атырау облысында бөгет салу кезінде адам сүйектері табылды
Фото: Атырау қаласы әкімдігі

Атырау облысында су тасқынына қарсы жұмыстар кезінде адамның бас сүйегі табылды, деп хабарлайды Qaz365.kz тілшісі Atpress.kz-ке сілтеме жасап.

Махамбет ауданындағы Жайық өзенінің жағасына бөгет тұрғызу үшін топырақ қазу кезінде адамның бас сүйегінің 12 фрагменті және дене сүйектерінің 26 фрагменті табылды. 

Оқиға орнына келген құзыретті органдардың қызметкерлері бұл фактіні ақпаратты есепке алу кітабына тіркеп, тергеуге дейінгі әрекеттерді бастап кетті. Алдағы уақытта табылған сүйектер қайта жерленеді.

«Ескі Сарайшық үшін археологиялық қазба кезінде адам сүйегінің табылуы жаңалық емес. Өйткені, ортағасырлық Сарайшықта үлкен қорым бар екені баршамызға белгілі. Археологиялық зерттеу барысында да, тіпті ескі Сарайшық ауылы ішінде түрлі жұмыстар барысында да адам сүйектері жиі кездесіп жатады. Ал, бүгінгідей, елде су тасқынынан қорғау мақсатында жасалып жатқан үлкен жұмыстар кезінде адам сүйектерінің шығуы заңдылық. Әдетте, мұндай хабар жеткен бойда мамандар өз жұмыстарын атқарып, оларды зерделеп, жер қойнына салт –дәстүріміз бойнша тапсырады», - деді «Сарайшық» музей-қорығының директоры Мұхтар Әбілсейіт.

Айта кету керек, бұған дейін Атырау облысында табиғи сипаттағы төтенше жағдай жарияланған болатын. Қазіргі таңда Жайық бойында орналасқан Махамбет, Индер аудандарында және Атырау қаласына бөгет тұрғызу жұмыстары қарқынды жүріп жатыр.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Алматының бір топ тұрғынын алдаған күдікті Украинадан экстрадицияланды
Бүгін, 17:23

Алматының бір топ тұрғынын алдаған күдікті Украинадан экстрадицияланды

Құқық қорғау органдары оған халықаралық іздеу жариялады

Соңғы жаңалықтар

Барлық жаңалық →