Аталған жағдайға Алматы қаласы полициясы түсініктеме берді
Алматыда көпқабатты үйлердің бірінде ер адам бұрынғы әйелін аяусыз ұрып-соққаны видеоға түсіп қалды, деп хабарлайды Qaz365.kz.
Онда лифт алдында тұрған екі ер адамның қасына әйел жүгіріп барады. Артынша бұрынғы күйеуі барып, ұрып-соғады. Желі қолданушылары оқиға куәгерлерінің үнсіз қарап тұрып, әйелге көмектеспегеніне қынжылған.
Аталған жағдайға Алматы қаласы полициясы түсініктеме берді.
«Ұрып-соғу фактісі бойынша іс қозғалды. Күдікті ұсталды. Ол міндетті түрде жауапқа тартылады. Сонымен қатар жәбірленуші дене жарақаттарының ауырлық дәрежесін анықтау мақсатында сот-медициналық сараптама тағайындалды. Іс материалдары шешім қабылдау үшін сотқа жіберілетін болады», – деп хабарлады Алматы қаласы полиция департаментінің баспасөз қызметі.
