Екеуін бірге көрген желі қолданушылары қуанып жатыр
Отандық танымал жұлдызды жұп Қайрат Нұртас пен Жұлдыз Әбдукәрімова үшін Катардағы демалыс пайдалы болған тәрізді. Отбасылық кризис шешіліп, екеуі осы күнге жиі бірге жүретін болған, деп хабарлайды Qaz365.kz.
Күні кеше олар бір туған күнге барып, «Қазақша ламбадаға» билеп, көпшілікті қуантып қойды.
«Бұл кеште бізбен бірге биле», – деп жазды Жұлдыз Әбдукәрімова.
Екеуін бірге көрген желі қолданушылары қуанып жатыр. Өз тілектерін жазып жатқандар да жетерлік.
«Дұрыс қой екеуі бір жерде жүргені», «Жұлдыз өкпелі негізі Қайраттың істеріне, сол үшін солай жүр», «Қайраттың қай қылығына қашанғы шыдасын», «Жұлдыз сынап жүр оны, бірақ кешіреді деген ойдамын», «Осылар бірге жүрсе, айдаладағы мен қуанатын болдым», «Жұптарың жазылмасын, айналайындар», «Қайрат, Жұлдызды әрдайым тастамашы» деген пікірлер бар.
Айта кетейік, Қайрат пен Жұлдызды ажырасып кетті дейтін пікір жиі айтылады. Тіпті, Дохада бірге демалып жүрген тұста да, балалары үшін бірге жүр деп айыптағандар бар.
