Алғашқы нәтижелер бойынша, Мәжіліске алты партия өтіп тұр
Кезектен тыс Мәжіліс сайлауының алғашқы Еxit poll нәтижесі жарияланды, деп хабарлайды qaz365.kz тілшісі.
«Еуразиялық интеграция институты» жауапкершілігі шектеулі серіктестігі жүргізген Еxit poll нәтижесі мынадай:
1. Amanat – 53,46%,
2. «Ауыл» халықтық-демократиялық партиясы – 10,52%,
3. Respublica партиясы – 8,9%,
4. Қазақстан халық партиясы –6,25%,
5. «Байтақ» жасылдар партиясы – 3,22%,
6. «Ақ жол» Қазақстан демократиялық партиясы – 7, 87%
7.Жалпыұлттық социал-демократиялық партия – 5,31%.
Қалған 4,47 пайыз респондент «бәріне қарсымын» бағанын таңдаған.
Сауалнама 200 сайлау учаскесін қамтып, 230 мың сайлаушы қатысқан.
«Еуразиялық интеграция институты Қазақстанның 17 облысында, Астана, Алматы, Шымкент қалаларында сайлау учаскелерінен шыға берісте азаматтарға сауалнама жүргізді. Сауалнама 200 сайлау учаскесін қамтыды. Оның ішінде 124-і қалаларда, 76-сы ауылдарда орналасты. Сауалнамаға барлығы 30 мың сайлаушы қатысты. Зерттеу нәтижелерінің қателігі 1 пайыздан аспайды», - деді институт өкілі Айгерім Ергенболатқызы.
«Демократия институты» ғылыми-зерттеу ассоциациясы қоғамдық бірлестігі жариялаған алғашқы Еxit poll нәтижесі мынадай:
1. Amanat партиясы – 53,33%
2. «Ауыл» халықтық-демократиялық партиясы – 11,26%
3. Respublica партиясы – 8,33%
4. Қазақстан халық партиясы – 6,93%
5. «Байтақ» жасылдар партиясы – 2,51%
6. «Ақ жол» Қазақстан демократиялық партиясы – 8,87%
7.Жалпыұлттық социал-демократиялық партия – 5,12%.
Бірлестік мәліметінше, сайлаушылардың 54,83 пайызы дауыс беруге келген және оның 3,65 пайызы «Бәріне қарсымын» бағанасын таңдаған.