Зертханадан 240 литр химиялық заттар және лабораториялық құрал жабдықтар мен дайын өнімдер табылған
Шымкентте есірткі зертханасы анықталып жедел іздестіру жұмыстары нәтижесінде жойылды, деп хабарлайды Qaz365.kz.
ҰҚК қала аумағында есірткі зертханасын ұйымдастырған екі қала тұрғынын ұстаған.
“Тінту барысында олардан 10 кг-ға жуық «Альфа PVP» есірткі затының ұнтақ өнімі, 60 литрге жуық сұйық өнім, 240 литр химиялық заттар және лабораториялық құрал жабдықтар мен дайын өнімдерді кептіруге арналған сөрелер тәркіленді”, – делінген Ұлттық қауіпсіздік комитеті хабарламасында.
Бұл факті бойынша Қылмыстық кодекстің 297-бабы 3-бөлігі бойынша сотқа дейінгі тергеп-тексеру жүргізілуде.
