Ол ұрлыққа қатысы бар 24 миллион теңге көлеміндегі заттай дәлелдерді ұрлаған
Жетісу облысында 7 жыл бойы халықаралық іздеуде болған полиция қызметкері сотталды, деп хабарлайды Qaz365.kz.
Бұл туралы Жетісу облысы прокуратурасы мәлімдеді.
“Текелі қаласының учаскелік полиция инспекторы 2017 жылы наурызда бір топ адаммен бірге ұрлыққа қатысы бар 24 миллион теңге көлеміндегі заттай дәлелдерді ұрлаған. Қылмыс жасағаннан кейін полиция қызметкері 7 жыл бойы халықаралық іздеуде болды. Оның сыбайластары әртүрлі мерзімге бас бостандығынан айырылды”, – делінген Облыстық прокуратура мәлімдемесінде.
Сот полиция қызметкерін 5 жыл 6 айға соттаған. Үкім заңды күшіне енді.
