Қайтарылған жерлердің 4,8 млн гектары қайта қолданысқа берілген
Қазақстанда пайдаланылмаған және заңнаманы бұза отырып берілген 12,1 млн га жер мемлекетке қайтарылды, деп хабарлайды Qaz365.kz.
Бұл жайында Ауыл шаруашылығы министрлігі Жер ресурстарын басқару комитетінің баспасөз қызметі мәлімдеме жасады.
"12,1 млн га пайдаланылмаған және заңнаманы бұза отырып берілген жер 2022 жылдан бастап мемлекет меншігіне қайтарылды. Тиісті шаралар қабылданғаннан кейін жер пайдаланушылар 3,7 млн гектар жерді игеруге кірісті", – делінген хабарламада.
Мемлекет меншігіне қайтарылған жерлердің 4,8 млн гектары жұмыс істейтін шаруаларға заңды түрде қайта бөлінген.
