БАҚ-та тараған ақпаратқа сәйкес, судья мен екі адвокат пара алды деген күдікпен ұсталған
Орал қалалық сотының төрағасы 10 тәулікке қамауға алынды. Астана қаласының тергеу сотында санкцияны қолдану туралы өтініш қаралды, деп хабарлайды Qaz365.kz.
Елордалық соттың баспасөз қызметі мәліметінше, 2024 жылғы 6 қарашада сотқа аға тергеушіден Руслан Жұмағұловқа қатысты 10 тәулікке қамауға алу түріндегі бұлтартпау шарасын санкциялау туралы өтінішхат түскен.
"Астана қаласының мамандандырылған ауданаралық тергеу сотының қаулысымен күдікті Жұмағұловқа қатысты қамауға алу түріндегі бұлтартпау шарасын санкциялау туралы өтінішхат қанағаттандырылды", - делінген сот хабарламасында.
Сондай-ақ сот тергеу сотына адвокаттарға қатысты материалдар келмегенін айтты.
Тергеу мүддесі үшін басқа ақпарат жарияланған жоқ.
Еске салайық, 5 қазанда Орал қалалық сотының төрағасы Руслан Жұмағұловтың қамауға алынғаны белгілі болды.
БАҚ-та тараған ақпаратқа сәйкес, судья мен екі адвокат пара алды деген күдікпен ұсталған. 1,5 миллион теңге сотталған азаматқа қатысты оң шешім шығаруға берілген.
