Ол қаладағы оқу орындарының бірінде дене шынықтыру пәнінен сабақ береді
Қызылжарда 28 жастағы жігіт 8- сынып оқушысын зорлады. Әлеуметтік желіде осындай ақпарат тарады. Бейресми мәліметтерге сәйкес, күдікті – мұғалім. Ол қаладағы оқу орындарының бірінде дене шынықтыру пәнінен сабақ береді, деп хабарлайды Qaz365.kz тілшісі Kyn.kz-ке сілтеме жасап.
Ал жәбір көрген қыз Аққайың ауданының тұрғыны деген ақпарат бар. Құзырлы органдар бұл фактіні растағанымен, оқиғаның мән-жайы туралы айтқан жоқ.
"Сотқа дейінгі тергеу 28 жастағы ер адамның 14 жасар кәмелет жасқа толмаған қызбен жыныстық қатынасқа түскенін анықтады. Күдікті уақытша ұстау изоляторына қамалды. Аталған факті ҚР қылмыстық кодексінің 122-бабы 1-бөлігі бойынша, яғни “он алты жасқа толмаған адаммен немесе сексуалдық сипаттағы өзге де әрекеттер жасау” бойынша сотқа дейінгі тергеп-тексерулердің бірыңғай тізіліміне енгізілді",– дейді СҚО ПД баспасөз қызметі.
