Пәтерде тіркелгендердің ешқайсысы ол жердің тұрғындары емес
Орал тұрғыны пәтеріне 100-ге жуық адамды тіркеген, бірақ олардың ешқайсысы ол үйде тұрмайтын болып шықты, деп хабарлайды Qaz365.kz.
Бұл туралы ҚР ІІМ Көші-қон полициясының қызметкерлері мәлімеді.
“ҚР ІІМ Көші-қон полициясының қызметкерлері Орал қаласындағы пәтерлердің бірінде 95 адам тіркелген азаматты анықтады. Шын мәнінде, ол пәтерде тіркелгендердің ешқайсысы ол жердің тұрғындары емес. Тұрғын үй иесіне қатысты әкімшілік шаралар қабылданды”, – делінген полиция хабарламасында.
Естеріңізге сала кетейік, Қазақстан Республикасының Әкімшілік құқық бұзушылық туралы Кодексінің 493 — бабына сәйкес тұрғын үй-жайлардың иелері азаматтарды заңсыз тіркеудің әрбір жағдайы үшін жауапқа тартылуы мүмкін.
