Жемқорлық фактісі Жақсы ауданының білім бөлімінен анықталып отыр
Ақмола облысы Жақсы ауданында бюджет қаражатын жымқыру фактісі анықталды, деп хабарлайды Qaz365.kz.
Бұл туралы ҚР Бас Прокуратурасының баспасөз қызметі мәлімдеді.
“Аудан прокуратурасы, ұлттық қауіпсіздік органдарының қызметкерлерімен бірлесіп, білім бөлімінде қызметкерлер үшін жалған сыйаққы желеуімен 22 млн теңге бюджет қаражатын жымқыру фактісі анықтады.Аудан прокуратурасымен аса ірі мөлшерде жасалған алаяқтық бойынша сотқа дейінгі тергеп-тексеру басталды, тергеу облыстың Сыбайлас жемқорлыққа қарсы қызметіне тапсырылды”, – делінген прокуратура хабарламасында.
