×

2026 жылғы инфляция шегі қандай болады?

2025 жылы инфляция 5,5-7,5% дәлізінде қалыптасады

2026 жылғы инфляция шегі қандай болады?
Фото: ашық дереккөзден

Сүлейменов 2026 жылғы инфляция шегі қандай аралықта болатынын болжады, деп хабарлайды Qaz365.kz.

Оның айтуынша, Ұлттық банк болжамы бойынша 2025 жылы инфляция 5,5-7,5% дәлізінде қалыптасады.

«Инфляция біртіндеп төмендеп келеді. Қыркүйектің қорытындысы бойынша инфляция деңгейі 8,3% болды. Бұл 2023 жылғы ең жоғары көрсеткішпен салыстырғанда 2,5 есе төмен. Алайда, бұл көрсеткіш Ұлттық Банктің 5%-тік таргетінен әлі де алыс», –  дейді ол.

Сүлейменовтың айтуынша, инфляцияның баяулау үрдісіндегі маңызды фактор – азық-түлік тауарлары инфляциясының 5% деңгейінде тұрақтануы. Алайда, азық-түлікке жатпайын тауарлар инфляциясының баяулау қарқыны төмендеп, 7,6% құрады. Киім, аяқкиім, жиһаз және күнделікті тұрмыста қолданылатын заттар, көмір, фармацевтикалық өнім, отандық жеңіл автомобильдер мен аудиовизуалды жабдықтар бағасының өсу қарқыны жоғары болып тұр. Ақылы қызметтер инфляциясы өсуін жалғастырып, 13,6%-ті құраған.

«Жалпы, инфляция динамикасы Ұлттық Банктің болжамына сәйкес келеді. Инфляцияның төмендеуі – ұстамды қатаң ақша-кредит саясатына, Үкіметтің инфляцияға қарсы шараларына байланысты. Осыған орай Ұлттық Банк биыл жыл басынан бері базалық мөлшерлемені төрт рет төмендетті. Яғни, базалық мөлшерлеме 15,75%-тен 150 базистік тармаққа – 14,25%-ке дейін төмендеді. Біздің болжамымыз бойынша, 2025 жылы инфляция 5,5-7,5% дәлізінде қалыптасады. 2026 жылы таргетке жақындап, 5%-тен 7%-ке дейінгі аралықта қалыптасады», - дейді Сүлейменов.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора

 Редактор

Бөлім жаңалықтары

Астана қаласының қылмыстық істер жөніндегі ауданаралық сотының судьясы Сабыржан Кәрімов Перизат Қайраттың сотты жабық өткізу жөнінде өтінішін қарап, шешім шығарды
Санаулы сәттерден кейін Перизат Қайраттың соты басталады
Үшарал әуежайы мен Ақши ауылы арасында автобус маршруты ашылады

Соңғы жаңалықтар

Барлық жаңалық →