Астана қаласының қылмыстық істер жөніндегі мамандандырылған ауданаралық соты Алматы қаласы әкімінің бұрынғы орынбасары Ержан Бабақұмаровты өлтірген Ербол Кәукетайға қатысты үкім шығарды. Сот шешімімен ол 11 жылға бас бостандығынан айырылды, деп хабарлайды Qaz365.kz.
20 сәуірде шыққан бұл үкім қазіргі уақытта заңды күшіне енді. Сот отырыстарының жабық режимде өтуіне байланысты істің қосымша детальдары мен жазаны өтеудің нақты шарттары жарияланған жоқ.
Еске сала кетейік, Президенттің бұрынғы кеңесшісі әрі Алматы қаласы әкімінің экс-орынбасары Ержан Бабақұмаров 2025 жылғы 30 қазанда Астанада болған төбелес салдарынан қаза тапқан болатын. Оқиға түнгі уақытта орын алып, шенеуніктің өмірін қиған жарақаттарға әкеп соқтырды.
Қайтыс болған сәтте Ержан Бабақұмаров 56 жаста еді.
