Ермұрат Бапи «Парасат» орденімен марапатталды
Мәжіліс депутаты болып сайланған журналист Ермұрат Бапи «Парасат» орденімен марапатталды, деп хабарлайды Qaz365.kz.
«Мемлекет басшысының Жарлығымен «Парасат» орденімен Мәжіліс депутаттары Ермұрат Бапи, Ерлан Барлыбаев, Еркебұлан Мәмбетов марапатталды», – делінген Мәжілістің сейсенбі күнгі хабарламасында.
Ермұрат Бапи Қаңтар оқиғасына дейін де ескі Қазақстанның белсенді сыншысы болып, кәсіби қызметті жүзеге асыруға тыйым салуға дейін үнемі қуғын-сүргінге ұшырады. Ол депутат болғаннан кейін де олигархатты сынауды жалғастырды. Атап айтқанда, Бапи экс-президент Назарбаевтың жақын туыстарының қызметіне байланысты болжамды қылмыстық схемаларды тергеуді сұрап, елдегі монополиясыздандыру процесінің ашықтығын талап етті.
Еске салайық, Республика күні қарсаңында бірқатар азамат мемлекеттік наградамен марапатталды. «Қазақстанның халық жазушысы» атағына белгілі қаламгерлер – Төлен Әбдікұлы, Смағұл Елубай, Бексұлтан Нұржекеев, Софы Сматаев, Ахметжан Аширов, Любовь Шашкова ие болды. Сондай-ақ «Қазақстанның халық әртісі» құрметті атағы көрнекті мәдениет қайраткерлері, театр және кино актерлері Дінмұхамед Ахимовқа, Михаил Токарев пен Дулыға Ақмолдаға, опера әншілері Шахмардан Әбілов пен Талғат Күзенбаевқа, атақты әншілер Рамазан Стамғазиевке, Димаш Құдайбергенге және күйші Айгүл Үлкенбаеваға берілді.
