Жаңа сұрып мемлекеттік тексерістен сәтті өтті
А.И.Бараев атындағы астық шаруашылығы ғылыми-өндірістік орталығының ғалымдары «Таймас» атты астықтың жаңа сұрыпын ойлап тапты. Жаңа сұрып мемлекеттік тексерістен сәтті өтіп, патент алды және енді басым тұқымдар түрінде таратылатын болады, деп хабарлайды Qaz365.kz тілшісі Ауыл шаруашылығы министрлігінің баспасөз қызметіне сілтеме жасап.
Минисрліктің мәліметінше, ақмолалық селекционерлер «Таймасты» соңғы 15 жыл бойы зерттеген. Астық орталығында жаңа сұрып құрғақшылыққа және қоңыр тотқа төзімді екенін атап өтті.
“Бидайдың тот басқан аурулары, әсіресе елдің солтүстік аймақтарында өнімділіктің төмендеуінің басты себептерінің бірі болып табылады. Астық сапасының технологиялық көрсеткіштері бойынша, «Таймастың» құрамында шикі клейковинаның мөлшері 32,3-34,5%, ақуыз 15,1-15,7% болатын күшті бидайға жатады.
Зерттеу жылдарында жаңа сұрып өзін жоғары өнімді ретінде көрсетті, максималды көрсеткіші гектарына 38,5 ц/га құрады. Тіпті, 2018 жылы, өсімдік ауруларының өршуі болған қиын кезде, ол басқа сорттардан 8 ц/га асып түсті. «Таймас» Солтүстік Қазақстан жағдайында өсіру үшін өте қолайлы, дейді мамандар”, – деоінген хабарламада.
«Таймас» Қазақстанның селекциялық жетістіктерінің мемлекеттік тізіліміне енгізілген. Қазіргі уақытта тұқымның элиталық түрін көбейту жұмыстарына дайындық жүргізіліп жатыр.
