Сметов осы «Қызық премия» берген марапатты бастамасы болсын деп, химия пәнінен олимпиада чемпионы Санжар Бейсенәліге табыстағым келеді деп айтты.
«Хабар» арнасы көрсеткен «Қызық премия-2024» жобасында Париж Олимпиадасының чемпионы Елдос Сметов «Жылдың үздік спортшысы» атанды, деп хабарлайды Qaz365.kz.
Алайда спортшы өз марапатын білім мен ғылымды қолдау мақсатында химия пәнінен 2023 жылғы олимпиада чемпионы Санжар Бейсенәліге табыстауды жөн көреді.
Мен өзім «Жыл спортшысы» номинациясын осыған дейін 3-4 рет алдым. Қазір Халықаралық дзюдо федерациясы 2024 жылғы спорт маусымын қорытындылайтын «IJF Judo Awards 2024» жүлдесінің үміткерлер тізімінің қатарына ендім. Әлемде үздік болуыма қолдау көрсетіңіздер. Енді осы «Қызық премия» берген марапатты бастамасы болсын деп, химия пәнінен олимпиада чемпионы Санжар Бейсенәліге табыстағым келеді, - деді Елдос Сметов.
Айта кетейік, 2023 жылы Қазақстан оқушылары IChO химиядан өткен халықаралық 55-олимпиададан бір алтын, екі күміс және бір қола медаль жеңіп алды. Алтын сол кезде «Назарбаев зияткерлік мектебінде» 12-сыныпта оқыған Санжар Бейсенәліге бұйырған. Бұл жарыс әлемдегі ең беделді 7 олимпиаданың қатарына кіреді.
Ал Елдос Сметов «IJF Judo Awards 2024» жүлдесінің үміткерлері қатарында.
