Жасырын цех тауар иесіне 3 млн теңгеден астам шығын келтірді
Түркістандық цех тұрмыстық химия өнімдерін шығаратын танымал тауар белгісімен өнім шығарып келген, деп хабарлайды Qaz365.kz.
Әділет органдарының қызметкерлері «Белизна» тауар белгісі өкілінің өтініші бойынша заңсыз тұрмыстық химия өндірген Түркістан облысы Келес ауданының Абай ауылындағы жеке үйде орналасқан жасырын цехты тапқан.
“Тексеру барысында жеке кәсіпкер тауар белгісін заңсыз пайдаланғаны анықталды. Одан 1 500-нан астам құтыдағы жуу және дезинфекциялау сұйығы тәркіленді. Зияткерлік меншік құқығының иесіне 3 млн теңгеден астам шығын келді. 800 шаршы метр аумақтағы цехта жасалған өнім арзанға көтерме сауда базарларына сатылып келген”, – делінген құзырлы орган хабарламасында.
Қазіргі уақытта кәсіпкерді жауапқа тарту мәселесі қарастырылып жатыр.
