Еңбек министрі қауіпті мамандықтардағы әйел жұмысшылар жайлы айтты
Алматыда жолаушы жүргізуші әйелге шабуыл жасағаннан кейін әйелдер үшін қауіпті мамандықтар мәселесі көтерілді, деп хабарлайды Qaz365.kz.
Еңбек және халықты әлеуметтік қорғау министрі Светлана Жақыпованың айтуынша, бұған дейін әйелдер жұмыс істеуге болмайтын мамандықтардың тізімі болатын. Қазір ол тізім жоқ және оны қайтару мәселесі қарастырылмайды.
«Бұл трагедия. Жұмыс беруші жұмыс аймағын, жолаушыларды жүргізушіден тікелей бөлуді қамтамасыз етуі керек. Бүгінгі таңда әйелдер үшін қолжетімді кәсіптер өте жоғары кәсіби тәуекелге жатады», – деді министр.
Министр жұмыс берушінің міндеті – қауіпсіздікті қамтамасыз ету екенін еске салды.
«Жүргізуші әйел зардап шекті. Онда жақ-бет жарақаты. Алатын төлемі жағынан ол жәбірленуші сияқты алады. Егер оны жұмыс берушісі жазатайым жағдайлардан сақтандырған болса, тиісінше оған тиісті төлемді сақтандыру компаниясы жасауы керек», – деді министр.
Еске салайық, Алматыда жолаушы жүргізушіге шабуыл жасап, салдарынан автобус аялдамада тұрған адамдарды басып өтті, 3 адам қаза тапты.
