×

«Әкелер тәрбие ісінен тыс қалып жатыр»: Сарапшылар ата-ананың жауапкершілігі жайлы не дейді

Мәдениетке көп көңіл бөлінеді

«Әкелер тәрбие ісінен тыс қалып жатыр»: Сарапшылар ата-ананың жауапкершілігі жайлы не дейді
Фото: ашық дереккөзден

Қазақстанда тұрмыстық зорлық-зомбылық мәселесі, ата-аналардың жауапкершілігі қашан да өзекті мәселе. Бұл бағытта жекелеген үкіметтік емес ұйымдар да қызмет атқарады, деп хабарлайды Qaz365.kz.

«Мәдениетке көп көңіл бөлінеді»

Таяуда Астанада «Білім берудің қазақстандық моделі: саналы тәрбиеге арналған әлеуметтік жобалар» атты баспасөз мәслихаты барысында ата-ана болу жауапкершілігі мәселесі талқыланған. Жиында Қазақстанның Азаматтық альянсы басшысы ойын ортаға салды. Альянс – бұл Қазақстанның барлық 20 өңірінде 5 мыңнан астам үкіметтік емес ұйымдардан тұратын еліміздің ірі қоғамдық ұйымы. Әрбір ҮЕҰ-ның өз нысаналы тобы бар, нақты бағыт бойынша жұмыс істейді. Бірақ соңғы жылдары тәрбие, мәдениет тақырыбына ерекше назар аударылып келеді.

Альянс басшысы Бану Нұрғазиева Түркістандағы ұлттық құрылтайдың екінші отырысында Мемлекет басшысы Қасым-Жомарт Тоқаев әділ мемлекетті тек жауапты азаматтар ғана құра алатынын айтты.

«Біз биыл алғаш рет құрылтайшы болып, «Адал азамат» журналын үш тілде – қазақ, орыс және ағылшын тілдерінде шығарамыз, өйткені біз әлемдік қоғамдастықта сөз сөйлеп, азаматтық қоғамның жұмысы мен мәдениетін көрсетуіміз керек», – деп атап өтті спикер.

Жауапты адамды тәрбиелеу мәселесінде басты рөл отбасына тиесілі. Мәдениет, білім, адамдарға деген көзқарас, жауапкершілік, қатысу, мейірімділік бала кезінен қалыптасады.

«Бұл бағытта небәрі үш жыл бұрын ашылған «Сенімен Болашақ» үкіметтік емес ұйымы жұмыс істейді. Оны қызымен сөйлескеннен кейін ҮЕҰ құруға және ата-аналар қауымдастығымен жұмыс істеуге шешім қабылдаған белсенді азамат, кәсіпкер құрды. «Жақын жерде бірдей бақытты балалар бар жерде ғана бақытты адам бола алады». Сондықтан, ең алдымен, ата-аналармен жұмыс істеуге көп көңіл бөлу керек, ата-аналар қауымдастығы бір-бірімізді құрметтеп, бағаласақ, балалар осындай мейірімді атмосферада жетілу үшін бәрін жасай алады», – деп түйіндеді Азаматтық альянс басшысы.

«Бала тәрбиесіне баса мән беру керек»

«Сенімен Болашақ» республикалық-қоғамдық бірлестігі – өз-өзін қаржыландыратын ұйым. Оның басшысы Жансая Бердімұрат ұйым саналы ата-ана болу қоғамын қалыптастыру, сонымен қатар балаларды тәрбиелеудегі ата-аналардың жауапкершілігін арттыру, сонымен бірге Қазақстандағы ата-аналардың психологиялық-педагогикалық білімін арттыру бағытында жұмыс істейтінін айтады. Ұйымның 16 өңірінде филиалы бар. «Ата-аналардың қоғамдастығымыз» дейді басшысы. Ұйым қатарында 135 мың қазақстандық бар.

«Біздің идеялар мен миссияларымызды қолдаушылар көп. «Сенімен Болашақ» ұйымы 2023 жылы көктем мен жазда әлеуметтік зерттеу жүргізіп, Қазақстанда ата-ана болу қандай деген сұраққа жауап іздеген. 32 мыңнан астам оған қатысқан. Көбі аналар. Анкеталау арқылы Қазақстанда белсенді ата-аналар қатарында әйелдер екені анықталған. Әлеуметтік зерттеулерге қарағанда, әкелер тәлім-тәрбие беру ісінен тыс қалып жатыр», – дейді ол.

Оның сөзінше, екі түсінік бар: саналы ата-ана дегенде біздің қоғамда тәлім-тәрбиеге көбірек маңыз, мән беретін ата-ана айтылады. Ата-ананың дәл тәрбие саласындағы жауапкершілігін арттыру мәселесі қашан да өзекті. Баланы мектеп немесе балабақша, мемлекеттік мекеме ғана тәрбиелемейді.

«Біз Ақмола облысында «Асыл отбасы» атты жобаны бастадық. Не себепті біз әр өңірде әртүрлі жобаларды қолға аламыз? Біз ең адымен, сарапшыларға құлақ түреміз. Идеяларымызды жүзеге асыруда бізге 250-ге тарта сарапшы көмектеседі. Біздің сарапшылардың сұрауы бойынша, ата-анасының қамқорлығынсыз қалған балалар моральдық және эмоционалды көмекке зәру. Ақмола облысының сарапшылары осы бағытта патронатты ата-аналар ретінде белгілі. Олар қалаған адамды оқыта алады. Сол арқылы жалпы әдістемені әзірлеп, «баланың бөтені жоқ» деген түсінікке келуіміз керек. Біздің түсінікте «Рухани Ана», «Рухани Әке» деген осы», – дейді Жансая Бердімұрат.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Соңғы жаңалықтар

Барлық жаңалық →