×

«Бірден шынайы дос болып кеттік»: Путин Тоқаевпен қарым-қатынасы туралы айтты

Ресей Президенті Тоқаевпен қарым-қатынасы туралы айтты

«Бірден шынайы дос болып кеттік»: Путин Тоқаевпен қарым-қатынасы туралы айтты
Фото: Ақорда

Ресей Президенті Владимир Путин «Казахстанская правда» басылымына берген сұхбатында Қасым-Жомарт Тоқаевпен қарым-қатынасы жайлы айтты, деп хабарлайды Qaz365.kz.

«Қасым-Жомарт Кемелұлымен бірден шынайы дос болып кеткенімізді, жақын қарым-қатынас орнатқанымызды бірнеше рет атап өттім. Бұл таңғаларлық жағдай емес. Біз бір уақыттың адамдарымыз және өз мемлекеттеріміз үшін барлық жауапкершілікті бірдей сезінеміз. Біз азаматтарымыздың өмір сүру сапасын арттыру үшін қолайлы орта қамтамасыз ету үшін қолдан келгеннің бәрін істейміз.

Үнемі байланыстамыз, әртүрлі форматтарда кездесеміз – екіжақты күн тәртібі бойынша да, көпжақты ынтымақтастық мәселелері бойынша да. Мұндай байланыстар Ресей-Қазақстан ара-қатынасының деңгейін толық көрсетеді.

Ең бастысы, біздің халықтарымыз әрқашан тату көрші және шынайы дос болған және болып қала береді. Сенім, өзара түсіністік пен көпқырлы табысты ынтымақтастықтың баға жетпес дәстүрлерін нығайта отырып, біз басқаларға үлгі болатын мемлекетаралық байланыстың озық үлгісін сәтті жүзеге асыратынымызға сенімдімін. Сондықтан әлемде қандай жағдай болса да, мен одақтастық қарым-қатынастарымыз бен интеграциялық әріптестігіміздің болашағына сеніммен қараймын», – деді ол.

Еске салайық, бұған дейін Қазақстан Президенті Қасым-Жомарт Тоқаев ресейлік «Известия» газетіне сұхбат беріп, Ресей Президенті Владимир Путинмен алдағы келіссөз туралы айтқан еді.

Айта кетейік, 2023 жылғы 9 қарашада Қазақстан Президенті Қасым-Жомарт Тоқаевтың шақыруымен Ресей Президенті Владимир Путин Астанаға ресми сапармен келеді. Президенттер бейнеконференцбайланыс арқылы Қостанайда өтетін Қазақстан мен Ресей арасындағы ХІХ өңіраралық ынтымақтастық форумының жұмысына қатысады.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Бүгін Астанада ШЫҰ саммиті өтті
Ол жаңа су үнемдеу технологияларын енгізу жөніндегі іс-қимыл жоспарын әзірлеуді ұсынды
Мұндай шешім Астанада өткен ШЫҰ саммитінде қабылданды

Соңғы жаңалықтар

Барлық жаңалық →