TikTok желісі Қазақстанда шектеле ме
Мәдениет және ақпарат министрі Аида Балаева Қазақстанда TikTok әлеуметтік желісін бұғаттау мәселесі қаралатынын айтты, деп хабарлайды Qaz365.kz.
«Көрші елдердің тәжірибесін қарап отырмыз. Шынымен де қазіргі таңда құқық құзушылық фактілер өте көбейіп кетті. Оны өздеріңіз де көріп отырсыздар. Мұндай дүниелер ұлттық қауіпсіздігімізге қауіп төндірсе, әлбетте бұғаттауға мәжбүрміз. Әлі алгоритимі жоқ. Нақты шешілген жоқ. Қарастырылатын мәселе», - дейді Аида Балаева.
Ал депутат Ерлан Сайыров әлеуметтік желілер пайдалы білім алып, үнемі қозғалыста болуы тиіс балалардың алтын уақытын ұрлағанымен қоймай, олардың денсаулығына, психикасына да теріс әсер етіп жатыр деп айтты.
Бұған дейін Қырғызстанда TikTok желісіне қолжетімділік шектелетіні айтылған.
