Елімізге белгілі этнограф Болат Бопай өмірден өтті, деп хабарлайды Qaz365.kz
Қаралы хабарды әлеуметтік желіде журналист Біләл Қуаныш жазды.
Қазақ Болат Бопайынан айырылды… Қайран ағам-ай!, - деп жазды ол.
Болат Бопайұлы 1960 жылы ҚХР Шынжаң өлкесі, Алтай аймағы, Көктоғай ауданы, Қуертіс қаласында дүниеге келген.
Болат Бопайұлы кейінгі отыз жылда Қазақтың этнографиялық тақырбын терең қаузап 30-дан астам кітап жазды. "Қазақ кəдесі", "Қазақ мінезі", "Қазақ таныған гүлдер ", "Қазақ аспан есебі"," Қазақ түс жоруы", "Қазақ наурызнамасы", "Салт-дəстүр сөйлейді", "Бастаудан бахиға дейін", "Қазақтың алғыстары мен қарғыстары", "Ақыт ақиқаты", "Жазу шеберлігі" ," Шетелдегі қазақ тұлғалары", " Сөз саралау өнері", " Əлдиден эфосқа дейін", "Қазақтың өлшем-мөлшер сөздері", "Қазақ жоқтау жырлары", т.б.
Болат Бопайұлы елге оралған 30 жылда мектептер, коллеждер, университеттер де Қазақ салт-дəстүр тақырыбында 2150 сағаттан артық лекция өткізген. Қазақстанда шығатын газет-журналдарда, барлық сайттарда Қазақ этнографияляқ тақырыбында жазған мыңға жуық ғылыми мақалалары жарық көрген.
Болат Бопайұы Қазақстан Жазушылар Одағының, Қазақстан Журналистер Одағының мүшесі, Қазақ ұлттық Салт-дəстүр, Əдет-ғұрып Акедемиясының Акедемигі. Танымал Этнограф жазушы, Астролог, Гүлтанушы ғалым, Əдебиет сыншысы. Назарияшы, Ағартушы , ұлағатты ұстаз. Қоғам қайраткері, ҚР "Мəдениет үздігі төс белгісінің" иегері, ҚР құрметті азаматы. "Қазақ халқаралық туристік кешені" жобасының патент иесі, " Қазақ киіз үйі - ғалам мөделі" кітабының авторы.
