×

"Ештеңеміз болмаған қиын сәтте өмір сүрдіңіз": Абай Бегейдің ұлы анасына хат жазып, елді жылатты

Әнші Абай Бегейдің үлкен ұлы үйленді

"Ештеңеміз болмаған қиын сәтте өмір сүрдіңіз": Абай Бегейдің ұлы анасына хат жазып, елді жылатты
Фото ашық дереккөзден

Әнші Абай Бегейдің үлкен ұлы Жалғас үйленіп, жұлдызды отбасында дүбірлі той болды, деп хабарлайды Qaz365.kz тілшісі Kyn.kz-ке сілтеме жасап. 

Әншінің алғашқы некеден туған балалары марқұм анасын еске алып, іштегі сағынышты хат етіп жазған. Ол жерде бүгінде жұлдыз болып жүрген Абай Бегейдің  қарапайым, арманшыл әйелінің отбасындағы бейнесі, рөлі суреттелген. Жалғастың анасына жазған хаты экранға шыққаны сол екен, бүкіл мейрамхана қонақтары көздеріне еріксіз жас алды. 

"Сәлем, анашым! Балаларыңыз боп сізге хат жазамыз деп шештік. Мам, балаларыңыз сіздің жылы құшағыңызды сағынды. Басымыз біріксе, өзіңізбен өткен тәтті сәттерді есімізге алып, бір жылап аламыз. Біріміз күйеуге, біреуіміз үлкен өмірге қадам басқалы жатырмыз. Міне, сіздің жалғыз ұлыңыз өзіңізден аумайтын жанды әулетіңізге алып келіп, жоқтығыңызды жасырып жатыр.

Анашым, сіз өте арманшыл едіңіз ғой. Кезінде армандар картаңызда ілулі тұрған үлкен зәулім үй, соңғы үлгідегі машина, тұрғын үйіміздің аппақ ремонты, қонақжайлылығыңыз соншалық, тіпті залда тұратын ұзын столға дейін арманыңыз болған. Қызық, сенесіз бе, сол армандаған нәрселеріңіздің бәрін өзіңіз көрмесеңіз де, балаларыңыз көріп жатыр. Мам, сол кезде біз үшін барлығына төзіп, барлық қырсық мінезімізді көтеріп, сабағымызды оқытып, оң тәрбие беріп, әрине, шүкір, бірақ ештеңеміз болмаған қиын сәтте өмір сүрдіңіз және соның жемісін көре алмай жастай кеттіңіз ғой... Кейде еске алып, бір жылап аламыз", - деген Жалғас  хатында.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Үш сағаттан астам уақытқа созылған қазақтың маңдайына біткен шоқ жұлдызының өнерін түрік елі лайықты бағалады
Аталған мәселеге қатысты Астана қаласының Білім басқармасы өкілдері жауап берді

Соңғы жаңалықтар

Барлық жаңалық →