Министр журналистердің сұрақтарына жауап берді
Оқу-ағарту министрі Ғани Бейсембаев Үкіметтің баспасөз орталығында БАҚ өкілдерінің сұрақтарына жауап берді, деп хабарлайды Qaz365.kz.
Журналистер «Жалпы мектептерде намазхана болуы керек пе?» деген сұрақ қойды. Ол мектеп намаз оқуға емес, білім алуға арналған орын екенін айтты.
«Мектеп, ең алдымен, тәрбие мен білім ошағы. Сондықтан, мектепті міндетті түрде ұстаздарымыз балаларды білім беруге бағыттауы керек. Үнемі айтып жүрміз. Бұл ұстанымнан біз тайған емеспіз. Сондықтан басқа мәселені көтерудің қажеті жоқ. Жалпы мектеп – сапалы білім мен тәрбиені үйретуге арналған орын. Сондықтан бұл мүлдем мүмкін емес»», – деді Бейсембаев.
Еске салайық, бұған дейін әлеуметтік желіде оқушылардың мектепте намаз оқып жатқан видеосы тараған болатын. Оқу-ағарту министрі аталған жағдайға қатысты тексеріс жүргізіліп жатқанын атап өтті.
