Ол жақтағы студенттер – «Болашақ» пен ғылыми тағылымдама бағдарламасының стипендиаттары
Жойқын өрт болып жатқан Калифорния штатында қанша қазақстандық студент бар екені айтылды, деп хабарлайды Qaz365.kz.
Бұл туралы «Халықаралық бағдарламалар орталығы» мәлімдеді.
“Жойқын өрт болып жатқан Калифорния штатында 73 қазақстандық студент бар. Оның ішінде 56-сы «Болашақ», ал 17-сі ғылыми тағылымдама бағдарламасының стипендиаттары. Барлығы аман-есен, кураторлармен байланыста. Стипендиаттар жергілікті билік органдарының ұсыныстарын орындап, жағдай туралы бізге жедел түрде хабарлап отырады. Біз университеттермен тұрақты байланыстамыз және кез келген өзгеріске жылдам әрекет етуге дайынбыз», – делінген орталықтың хабарламасында.
Орталық барлық стипендиатты қауіпсіздік шараларын қатаң сақтауға, елшілікпен байланыста болуға шақырды.
