Нарықтағы жаңа бәсекелестің пайда болуы отандық операторлардың қызмет құнын төмендетеді деп күтілуде
«Қазақтелеком» «Altel» мен «Tele2»-ні ресми түрде сатты. Брендтердің жаңа иесі қатарлық холдинг, деп хабарлайды Qaz365.kz.
Бұл туралы Қазақстан қор биржасы мәлімдеді.
Алайда нақты қаншаға сатылғаны туралы ресми ақпарат жоқ. Бұған дейін Цифрлық даму министрі Жаслан Мәдиев оны 530 млрд теңгеге бағалаған болатын.
“Қазақтелеком катарлық Power International Holding (PIH) компаниясына «Мобайл Телеком-Сервис» ЖШС (МТ-С) қатысу үлесінің 100% сату мәмілесін аяқтады. Естеріңізге сала кетейік, былтыр ақпанда Дохада Қазақтелеком, PIH және «Самұрық-Қазына» қоры арасында бастапқы келісім, ал маусым айында ұялы байланыс операторын сату туралы түпкілікті келісім жасалған болатын. Altel және Tele2 брендтерімен танымал «МТ-С» Қазақстандағы жоғары жылдамдықты 5G байланыс желісінің жетекші провайдері болып табылады”, – делінген Қазақтелеком таратқан хабарламада.
Нарықтағы жаңа бәсекелестің пайда болуы отандық операторлардың қызмет құнын төмендетіп қана қоймай, олардың сапасын арттыруға ықпал етпек.
