Жеке тексеру барысында полиция 80 орама есірткі тәркілеген
Риддерде 35 жастағы әйел кәмелетке толмаған баласымен бірге есірткі тарату күдігімен ұсталды, деп хабарлайды Qaz365.kz.
Бұл туралы ақпаратты жергілікті Полиция департаменті анықтаған.
“35 жастағы басқа облыстың тұрғыны былтыр желтоқсанда қалаға кәмелетке толмаған баласымен келіп, алдын ала ойластырылған схема бойынша есірткі таратқан. «Кураторлар» есірткілерді жасырын орындарға қалдырып, таратып отырған. Жасырын орындар көбінесе қоғамдық орындарда, кейде қаладағы адамдар аз жүретін жерлерде орналасқан. Жеке тексеру барысында полиция 80 ораманы тәркіледі, олардың ішінде ұнтақ тәріздес заттар болған. Сараптама нәтижесінде тәркіленген зат синтетикалық есірткі болып шықты. Күдікті ИВС-ке қамауға алынды, ал кәмелетке толмаған бала жасөспірімдерге арналған бейімдеу орталығына жіберілді”, – делінген полиция хабарламасында.
Қазіргі таңда бұл факт бойынша толыққанды тергеу жұмыстары жүргізіліп жатыр.
