Пойыздарға орнатылған GPS-трекерлер деректерді автоматты түрде өңлеп отырады
Жолаушыларға арналған «Пойыз қозғалысының онлайн тақтасы» қолданысқа енгізілді, деп хабарлайды Qaz365.kz.
Бұл туралы “Қазақстан темір жолы” компаниясының баспасөз қызметі мәлімдеді.
«Жолаушылар тасымалы» АҚ жолаушыларға арналған «Пойыз қозғалысының онлайн тақтасы» атты жаңа цифрлық сервисті қолданысқа енгізді. Енді жолаушылар нақты уақыт режимінде пойыздардың келу және кету уақытын бақылап, қозғалыс кестесіндегі өзгерістер туралы жедел ақпарат ала алады”, – делінген хабарламада.
Аталған қызмет жолаушылар пойыздарының қозғалысын тәулік бойы бақылап, мониторинг жүргізеді. Пойыздарға орнатылған GPS-трекерлер деректерді автоматты түрде орталыққа жіберіп, пойыздардың орналасқан жерін дәл анықтауға және қозғалыс кестесін жедел жаңартуға мүмкіндік береді. Жаңа сервис жолаушыларға “Қазақстан темір жолы” компаниясының ресми сайтында қолжетімді.
