Экс-әкім жаңа қызметке жаңа жылдан бастап кіріседі
Бақытжан Сағынтаев жаңа жылдан бастап Еуразиялық экономикалық комиссияның жаңа басшысы болады. Бұл туралы РФ Президенті Владимир Путин Жоғары Еуразиялық экономикалық кеңесте мәлімдеді, деп хабарлайды Qaz365.kz.
«2024 жылдың 1 ақпанынан бастап алқа басшысы лауазымына кірісетін Сағынтаев мырзаны құттықтаймын – біз оны өте жақсы білеміз, ол бұған дейін ЕЭК мүшесі болып жұмыс істеді. Сондықтан өзінің жаңа міндетіне жігерлене кірісетініне сенімдімін. Ол сондай-ақ Қазақстан Президентінің әкімшілігінде істеді, Үкімет төрағасы, Қазақстанның Премьер-министрі болды», – деді Ресей президенті.
Айта кетейік, өткен жылы Сағынтаев Қазақстан Республикасы атынан Еуразиялық экономикалық комиссияның Экономика және қаржы саясаты министрі болып тағайындалды.
Шешім ЕАЭО саммитінде қабылданды.
