Екіжақты ынтымақтастықтың ауқымы артып келеді.
Ресей президенті Путин Мәскеу мен Астана арасындағы ықпалдастық барлық бағыт бойынша белсенді өрбіп келе жатқанын мәлімдеді, деп хабарлайды Qaz365.kz.
– Қазақстан – біздің стратегиялық серіктесіміз және сенімді одақтасымыз. Шағын құрамдағы келіссөз барысында екіжақты байланыстар аясында туындайтын проблемаларға назар аудардық. Ең бастысы, барлық сауалдың жауабын табуға ортақ ұмтылыс бар. Мен екі ел арасында шешілмейтін түйткіл жоқ екенін жақсы білемін. Ал мұндай ниеттестік үлкен жетістіктерге ұласады. Сіздің басшылығыңызбен Қазақстан таңданарлық нәтижелерге қол жеткізді. Біз бұған қуаныштымыз. Өйткені, екіжақты ынтымақтастықтың ауқымы артып келеді. Қазіргідей қиындықтарға қарамастан ықпалдастығымыз кеңеюде әрі қос тарапқа да тиімді, – деді Ресей президенті Путин.
