Әзербайжан президенті Ильхам Әлиев Ақтау маңында апатқа ұшыраған AZAL ұшағынына кінәлілерді жазалауды талап етті, деп хабарлайды Qaz365.kz.
Ол бұл апатқа Ресей Федерациясы кінәлі екенін сеніммен айта аламын деп отыр. Әлиев бүгін Бакуде ұшақ апатынан қаза тапқан экипаждың отбасы мүшелерімен және тірі қалған бортсеріктермен кездесті.
Жақын арада біз алдын ала нәтижені анықтайтынымызға сенімдімін және бәрі орнына келеді деп үміттенемін. Сол кезде қайғылы оқиғаның толық көрінісі белгілі болады. Біз әділдікті талап етеміз, кінәлілерді жазалауды талап етеміз, толық ашықтық пен адамгершілікті талап етеміз, - деді Ильхам Әлиев.
Ол қазір қара жәшіктерді декодтау процесі жүріп жатқанын айтты. Әзербайжан басшысы егер Грозный қаласы әуе кеңістігін жабу бойынша уақтылы шаралар қабылдағанда мұндай қайғылы жағдай болмас еді деп отыр.
Айта кетсек, ұшақ 25 желтоқсанда Ақтау маңында апатқа ұшыраған еді. Әуе апатынан 29 адам аман қалды. Оларға мемлекет басшысының тапсырмасымен елордадан келген білікті мамандар сапалы медициналық көмек көрсетті.
