×

«Министрлер өз бетінше шешім қабылдай білуге тиіс»: Бектенов үкімет мүшелеріне тапсырма берді

Үкімет басшысы қаражатты тиімсіз жұмсауға жол берілмейтінін айтты

«Министрлер өз бетінше шешім қабылдай білуге тиіс»: Бектенов үкімет мүшелеріне тапсырма берді
Фото: Akorda.kz

Премьер-министр Олжас Бектенов әлеуметтік блок мәселелеріне тоқталып, ең алдымен МӘМС жүйесін реформалау қажеттігіне назар аударды, деп хабарлайды Qaz365.kz.

«МӘМС жүйесі елеулі қайта форматтауды қажет етеді деп санаймын. Қаражатты тиімсіз жұмсау мен артық жалған тіркеулер бола тұра оны қаржыландыруды ұлғайтуға жол берілмейді. Сала толық цифрландыру мен ашықтықты талап етеді», – деді Премьер-министр бүгінгі жиында.

Отырыс барысында Үкімет басшысы цифрлық трансформацияны жүргізу, көлік және ауыл шаруашылығы салаларын дамыту, «Жайлы мектеп» және «Ауылдық денсаулық сақтауды жаңғырту» ұлттық жобаларын іске асыру, сондай-ақ азаматтарды әлеуметтік қолдау, мемлекеттік сатып алу және мемлекеттік-жекешелік әріптестік тетіктерін реформалау жөнінде нақты тапсырмалар берді.

«Біз батыл әрекет ететін Үкімет боламыз. Бізге өсу қарқынын тиімді ұлғайту, экономиканы әртараптандыруды белсендірек жүргізу, инвестиция тарту және барлық міндеттерді шешу үшін жеткілікті өкілеттіктер берілді», – деп атап өтті Олжас Бектенов.

Оның айтуынша, формализм мен бюрократиялық сарсаңға салуды толығымен жоя отырып, стереотиптерден арылу қажет.

«Министрлер өз бетінше шешім қабылдай білуге тиіс, салалық мәселелерді өз деңгейінде шешулері қажет. Жұмыс қарқыны жоғары, талап қатаң болатынын әркім түсінуі тиіс», – деп қорытындылады сөзін Премьер-министр.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Бүгін Астанада ШЫҰ саммиті өтті
Ол жаңа су үнемдеу технологияларын енгізу жөніндегі іс-қимыл жоспарын әзірлеуді ұсынды
Мұндай шешім Астанада өткен ШЫҰ саммитінде қабылданды

Соңғы жаңалықтар

Барлық жаңалық →