Министр журналистердің сұрақтарына жауап берді
Төтенше жағдайлар министрі Шыңғыс Әрінов қызметкерлерінің жалақысына қатысты пікір білдірді, деп хабарлайды Qaz365.kz.
Бүгін Үкімет отырысынан кейін тілшілердің бірі министрге қызметкерлерінің жалақысы 280 мыңға жетті деген ақпаратты қайдан алдыңыз деп сұрады. Жақында осылай деп сұхбат берген министрге желіде қарсы пікір жазғандар көп болған. Әлі де 180 мың жалақымен жүрміз деген қызметкерлер бар екен.
«Біздің министрлікте дифференциацияланған қосымша үстемақылар бар. Соның арқасында жалақымыз көбейіп жатыр. Бірақ академияның түлектері бітірген соң, бірінші офицер шенін алған соң, бірінші сол 180 мың теңгеден бастайды», - дейді Шыңғыс Әрінов.
