Күзетпен ұстау түріндегі бұлтартпау шарасы
Экс-министр Қуандық Бишімбаевты қамауда ұстау мерзімі ұзарды, деп хабарлайды Qaz365.kz.
«9 қаңтарда Астана қаласының мамандандырылған ауданаралық тергеу сотымен күдікті К. Бишімбаевқа қатысты күзетпен ұстау түріндегі бұлтартпау шарасын 2024 жылғы 9 наурызға дейін ұзарту санкцияланды», – делінген ведомствоның Tengrinews.kz редакциясына берген жауабында.
Өзге мәліметтер ҚР Қылмыстық процестік кодексінің 201-бабына сәйкес жариялануға жатпайды.
Еске салайық, бұрынғы Экономика министрі Қуандық Бишімбаев Астанадағы мейрамханалардың бірінде әйелі Салтанат Нүкенованы ұрып өлтірді деген күдікпен қамауға алынған болатын.
