Сот отырысы Астана қаласында өтеді
«Азаттық» радиосы ҚР Сыртқы істер министрлігін сотқа берген еді. Сот отырысы наурыз айына белгіленді, деп хабарлайды Qaz365.kz.
«Менің білуімше, наурыз айында сот талқылауы өтеді. Бұл мәселе құқықтық кеңістікте қаралып жатыр, сот аясында шешіледі деп ойлаймын», – деді Василенко Сенат кулуарында.
Айта кетейік, бұған дейін 30 қаңтарда «Азат Еуропа/Азаттық» радиосының Қазақстан өкілдігі Астана қаласының мамандандырылған ауданаралық сотына арыз түсірген.
Шағымда басылым Қазақстанның Сыртқы істер министрлігінің «Азаттық» тілшілеріне аккредитация бермеуін және оны ұзартпауын заңсыз деп танып, күшін жоюды сұраған. «Азаттық» радиосы арызды СІМ жауап келгеннен кейін түсірген.
Енді сот отырысы Астана қаласында өтеді.
