Ауысу келесі аптада жүзеге асады деп күтілуде
Алматылық «Қайрат» пен Қазақстанның жастар құрамасының шабуылшысы Дастан Сатпаев мансабын лондондық «Челси» клубында жалғастыратын болды, деп хабарлайды Qaz365.kz тілшісі 1bol.kz-ке сілтеме жасап.
Лондондық клуб 18 жасқа толмаған Сатпаевтың трансферіне қатысты түпкілікті шешім қабылдағанға ұқсайды. Алматылық және лондондық клубтар арасында келісім рәсімделіп жатыр.
Ауысу келесі аптада жүзеге асады деп күтілуде. Трансфердің толық мәліметтері әзірге жарияланбаған.
Еске сала кетейік, U-19 Қазақстан құрамасының шабуылшысы Дастан Сатпаев желтоқсан айында «Челси» клубының қаралымына барған болатын.
Шабуылшы Қазақстан U-17 құрамасының сапында 10 ойында өнер көрсетіп, 4 рет мергендік танытқан.
