Әлеуметтік желіде іздеу жарияланды
Кешегі Кеңес кезеңінде жойқын соққысымен, айла-тәсілімен талайды таңғалдырған былғары қолғап шебері Серік Нұрқазов із-түзсіз жоғалып кеткен, деп хабарлайды Qaz365.kz.
Әлеуметтік желіде іздеу жарияланды. Боксшы 14 желтоқсанда шығып кеткен. Содан бері хабарсыз. Ол Алматы қаласының Медеу ауданында жоғалған.
Айта кетейік, өткен ғасырдың 80-жылдары «Шаршы алаңның профессоры» атанған боксшы біраз жетістікке жетті. Ол КСРО чемпионатында ең көп медаль (7 – 3 алтын, 2 күміс пен 2 қола) иеленген. 1983 жылы Болгария мемлекетінің Варна қаласында өткен Еуропа чемпионатында топ жарған. Осы жылы Италияда өткен Әлем кубогының күміс жүлдегері, 1984 жылы Куба мемлекетінің Гана қаласында өткен «Дружба-84» халықаралық жарысының күміс жүлдегері болған.
Серік Нұрқазов 64 жаста.
