Дзюдо күресінен 60 келіде Олимпиада чемпионы атанған қазақ балуаны Елдос Сметов жарыстан кейінгі алғашқы әсерін бөлісті, деп хабарлайды Qaz365.kz.
«Қолдауларыңызға алғысым шексіз. Ыстық тілектеріңізге, тілеген дұғаларыңыздың арқасында елімізде тарих жаңарып отыр. Күрес түрлерінен Жақсылық Үшкемпіровтен кейін Олимпиада чемпионы болу бақыты бұйырды. Біріншісінде күміс, екіншісінде қола болды. Үшіншісінде бел буып келгенде топ жардық. Қаншама қиындықтардан өттік. Көп еңбек талап ететін жұмыс. Өте қуаныштымын», - деді Елдос Сметов.
Айта кетейік, қазақстандық дзюдошы финалда франциялық Лука Мхекидзені жеңді.
Сөйтіп, Қазақстанның Париждегі алғашқы алтыны қоржынға түсті.
