Тау бөктеріндегі аймақтарда су тасқыны болуы мүмкін
Ауа райының жылынуы және жауын шашын салдарынан таулы аймақтарда су деңгейі көтерілуі мүмкін, деп хабарлайды Qaz365.kz.
“Орташа тәуліктік температураның жоғарылауына және жауын- шашын болжамына байланысты 6-8 сәуір аралығында таулы өзендерде су деңгейінің көтерілуі күтілуде, Алматы қаласының аумағына іргелес тау бөктері мен аудандарда су тасқыны болуы мүмкін”, – делінген “Қазгидрометтің” 5 сәуірдегі № 6 жедел ескертуінде.
Осыған орай Алматы қаласы ТЖД тұрғындарға жақын орналасқан арықтар мен каналдарды қоқыстан тазарту қажеттігін ескертеді.
Еске сала кетейік, соңғы бірнеше күнде Қазақстан су тасқынының зардабын шегіп жатыр. Президент Қасым-Жомарт Тоқаев бүгін су тасқыны салдарынан қалыптасқан күрделі жағдайға байланысты үндеу жариялады.
Оның айтуынша, мұндай ахуал ұзақ жылдан бері болмаған – бұл көлемі жағынан соңғы 80 жылдан бергі ең ірі табиғи апат деуге болады.
Абай, Ақмола, Ақтөбе, Атырау, Батыс Қазақстан, Қарағанды, Қостанай, Павлодар, Солтүстік Қазақстан және Ұлытау облыстарының аудан-қалаларында төтенше жағдай жарияланған.
