Барлығы 14 612 адам қатысты
Магистратураға білім беру гранттарын тағайындау жөніндегі республикалық комиссияның жұмысы аяқталды, деп хабарлайды Qaz365.kz тілшісі Ғылым және жоғары білім министрлігінің баспасөз қызметіне сілтеме жасап.
"Мемлекеттік грант иегерлерінің тізімі бүгін жарияланады", – делінген ведомствоның хабарламасында.
Білім беру гранттарын тағайындау конкурсына қатысу үшін барлығы 14 612 адам қатысты. Оның 8 359-ы грант иегері атанды.
Министрлікте мемлекеттік білім гранттары республикалық комиссияның қорытындысы бойынша тағайындалғаны атап өтілді. Оның құрамына парламент депутаттары, министрліктің, мүдделі мемлекеттік органдардың, білім беру саласындағы кәсіподақтардың, ұлттық кәсіпкерлер палатасының және қоғамдық ұйымдардың өкілдері кірді.
Магистратураға грант иегерлерінің тізімін Telegram-арнамыздан көре аласыз.
Жоғары оқу орындарына қабылдау 2023 жылдың 28 тамызына дейін жалғасады.
