Хасан Қасымбаев жақында қамауға алынған болатын
Бүгін қамауға алынған Хасан Қасымбаевтың анасы Гүлнар Нұракенова ел президенті Қасым-Жомарт Тоқаевтан араша сұрады, деп хабарлайды Qaz365.kz.
Әлеуметтік желіде осыдан үш жыл бұрын Талғарда орын ММА боксшысы Арман Әлімовтің ұрланған видеосы пайда болды. Бүгін “Хуторские" ұйымдасқан қылмыстық тобының (ҰҚТ) басшысы деп аталған Хасан Қасымбаевтың ұсталуы осы іске байланысты деген ақпарат тарады.
«Менің баламның ісін әділетті шешіп беруіңізді, істі өз қарамағыңызға алып, осыны анықтап беруіңізді сұраймын. Баламды жазықсыз кінәлап отыр. Кінәсін дәлелдеп берсін. Департаментке де сол үшін келіп отырмын. Жауабын сол кісілерден күтемін», – дейді Қасымбаевтың анасы.
Еске салсақ, "Хутор" бандасының жетекшісі деген Хасан Қасымбаев ұсталғаны туралы хабарлаған едік. Талғардағы 16 жастағы Шерзаттың өліміне кінәлі "Хутор" бандасының қатысы бар деген ақпарат тараған еді. Алайда Хасан Қасымбаев өзінің бұл істе кінәсіз екенін айтып, үндеу жасаған болатын.
