Ол ішкі ағзалардың зақымдануы және ауыр травматикалық шоктан қайтыс болған
Павлодарда қатты желдің салдарынан құлаған ағаш 67 жастағы әйелді басып қалып, ол алған жарақаттарынан ауруханада қайтыс болды, деп хабарлайды Qaz365.kz.
”1957 жылы туған әйелдің денесінде көптеген жарақаттар болған: екі тізесінің, кеуде қуысының, жамбас сүйектерінің сынуы, жұлынның жабық үзілуі, ішкі ағзалардың зақымдануы және ауыр травматикалық шоктан қайтыс болған”, – делінген медицина қызметкерлерінің көрсетпесінде.
Ағаш ауладағы көлік тұрағында тұрған көлікке де зақым келтірген.
