Мұқият тексеруден кейін автокөлік жақын туыстарына берілген
Шерзат Болаттың ағасының денесі табылған жердегі көлікте түсірілген видеоға қатысты Алматы облысының полиция департаменті түсініктеме берді, деп хабарлайды Qaz365.kz.
Тараған бейнежазбада марқұмның көлігі көрсетілген. Полиция барлығы заң аясында болғанын айтты.
"Автокөлікті марқұмның денесі табылған жерден алыс емес мекеннен 30 жастағы азаматтың туыстары анықтады. Полиция қызметкерлері хабарламаны алғаннан кейін бірден оқиға орнына жетті. Тәртіп сақшылары белгіленген тәртіппен тиісті тергеу амалдарын жүргізді, оның ішінде көлікті мұқият тексеріліп, автокөлік жақын туыстарына берілді", – деп хабарлады полиция департаменті.
Полиция оқиғаның барлық мән-жайын анықтау бойынша жұмысты жалғастырып жатқанын хабарлады.
Еске салайық, осыған дейін марқұм Шерзат Полаттың әкесі Қаржаубай інісі Нұрқанаттың мәйіті табылған орынды көрсетіп видео жариялағанын жазған болатынбыз.
