Олар «ҚазМұнайГаз» компаниясының еншілес және мердігер ұйымында қызмет еткен
Ұшақ апатынан қайтыс болғандар арасында «ҚазМұнайГаз» компаниясының 2 қызметкері бар болып шықты, деп хабарлайды Qaz365.kz.
Бұл туралы «ҚазМұнайГаз» компаниясы мәлімдеме жасады.Олар компанияның еншілес және мердігер ұйымында қызмет еткен.
«Azerbaijan Airlines» әуе компаниясының апатқа ұшыраған ұшағында қаза болған жолаушылардың арасында біздің әріптестеріміз де бар екенін күйзеліспен хабарлаймыз. Олар:
- Жұмагұлов Бауыржан Жұмабайұлы – «Өзенмұнайсервис» ЖШС жұмысшысы, 4-ші дәрежелі бұрғышының көмекшісі.
- Төлесінов Сәндібек Екібайұлы – «МұнайФилдСервис» ЖШС механикалық-энергетикалық бөлімнің инженері», – делінген хабарламада.
Еске сала кетейік, бұған дейін біз Ақтауда ұшақ апатынан қаза болған қазақстандықтардың екеуі бір отбасы мүшелері, анасы мен баласы екенін жазған болатынбыз.
