Астананың іргесіндегі Қосшы қаласында екі жасар қызды басып кеткен көлік жүргізушісі үй қамаққа алынды. Әйел енді бес жылға дейін бас бостандығынан айырылуы мүмкін, деп хабарлайды Qaz365.kz.
Еске сала кетейік, қайғылы оқиға Қосшы қаласындағы «Лесная поляна» тұрғын үй кешенінің ауласында болды.
Желіде тараған бейнежазбадан аулада балалардың ойнап жүргенін байқауға болады.
Бір сәтте ересектеу балалар доптың артынан жүгіре кетіп, кішкентай қыз бір шетте қараусыз қалады.
Сол кезде ауладан шығып келе жатқан көлік қызды басып кетеді.
Жантүршігерлік сәт бақылау камерасына түсіп қалған.
