Бұл дерек бойынша полиция «Кісі өлтіру» бабы бойынша қылмыстық іс қозғады
Қарағанды қаласында тұрақта тұрған автокөліктің салонынан денесінде пышақ жарақаты бар әйелдің мәйіті табылды, деп хабарлайды Qaz365.kz.
34 жастағы әйелдің денесі 22 сәуір күні Төлепова көшесінде тұрған көліктің ішінен табылған.
Құқық қорғау органдарының мәліметінше, күдікті ретінде 35 жастағы ер адам анықталып, ұсталған. Қазір ол уақытша ұстау изоляторына қамауға алынған.
Тергеу амалдары жүргізіліп жатыр.
Еске сала кетсек, Qaz365.kz редакциясы ауыл мәртебесін ала алмаған саяжайларда тұрып жатқан тұрғындардың мәселесі жайлы жазған еді. Атауы бар, тіршілігі бар, бірақ әкімшілік тұрғыда толық танылмаған мекендегі балалар автобустармен алыстағы мектептерге барып жүр. Әкімдіктің жауабы мен жағдай жайлы толығырақ материалымыздан оқыңыз.
