Шымкент қаласының әкімшілік құқықбұзушылықтар жөніндегі соты блогер Руслан Жанпеисовке қатысты істі қарап, оның әрекетінде құқықбұзушылық құрамы жоқ деп танып, ақтау шешімін шығарды, деп хабарлайды Qaz365.kz ҚазТАГ-қа сілтеме жасап.
Полицияны әбігерге салып жүрген Руслан Жанпеисов ақталды. Оған Әкімшілік құқықбұзушылық туралы кодекстің 667-бабы («Құқық қорғау органы қызметкерінің заңды талабына бағынбау») бойынша айып тағылған еді.
«Әкімшілік құқықбұзушылықтар жөніндегі сот бүгін Руслан Жанпеисовті құқықбұзушылық құрамы болмағандықтан ақтады», – деп хабарлады КазТАГ тілшісі.
Шымкентте автоблогер Руслан Жанпеисов ұсталды. Бұл туралы журналист Михаил Козачков телеграм-арнасында мәлімдеген еді.
