Ол – Шерзат Полаттың отбасы моральдық зиянды өтеу туралы талап қоймаған жалғыз айыпталуш
Шерзаттың әкесі Қаржаубай Нұрымов ең жас айыпталушы Думан Ысқаққа кешірім берді, деп хабарлайды Qaz365.kz.
Бұған дейін сотта жәбірленуші тараптың адвокаты Шерзаттың анасының сөзін жеткізген болатын, өйткені жасөспірімнің ата-анасы мен әжесі сот процесін өздерінің қатысуынсыз жалғастыруды сұраған еді.
Бүгін сот отырысында жарыссөз барысында Мейірман Шекеев — жәбірленуші отбасының адвокаты — Шерзаттың әкесі Қаржаубай Нұрымовтың сөзін оқып берді:
«Қаржаубай Нұрымов өз тарапынан айыпталушы Думан Ысқақты кешіргенін айтты», – деді ол.
Еске салайық, Думан Ысқақ – кәмелетке толмаған айыпталушы, ол 11-сыныпта оқиды. Оған ҚР ҚК-нің 434-бабы бойынша – «Қылмыс туралы хабарламау» бабы бойынша айып тағылған.
Сонымен қатар, ол – Шерзат Полаттың отбасы моральдық зиянды өтеу туралы талап қоймаған жалғыз айыпталушы.
