Марқұм тұрғын үйдің 24-қабатынан секіріп кеткен
Елордада көпқабатты үйлердің бірінің маңынан бойжеткеннің денесі табылды, деп хабарлайды Qaz365.kz.
– 18 қазан күні сағат 13:23-те Алматы аудандық полиция басқармасына кіреберістің жанынан қыз баланың мәйіті табылғаны туралы хабарлама келіп түсті. Полиция келгеннен кейін көз жұмған 22 жастағы адамның жеке басы анықталды. Болжам бойынша, марқұм тұрғын үйдің 24-қабатынан секіріп кеткен. Осы факті бойынша қылмыстық іс қозғалды. Болған оқиғаның мән-жайы анықталып жатыр, – деп хабарлады Астана қалалық полиция департаменті.
Айта кетейік, бұған дейін Алматы облысы Талғар ауданының кентінде 14 жасар қыз көз жұмған болатын.
