Ер адам шапшаң әрекет еткен
Әлеуметтік желілерде жас баланың қозғалып бара жатқан эскалаторға жабысып, құлай жаздаған видеосы тарады, деп хабарлайды Qaz365.kz.
Бейнежазбада оқиға«Тұмар» сауда орталығында болғандығы айтылған.
«Ата-аналар, балаларды қадағалаңыздар! Эскалаторға жабысқан баланы құтқару үшін ер адам шапшаңдық танытты», - дейді видео авторы.
Кадрдан баланың сауда орталығындағы эскалатордың жиегін қолымен ұстап, жоғарыға дейін көтерілгенін көруге болады. Оған ер адам мен әйел дер кезінде көмекке келген. Әйтпесе, жазатайым оқиға болар ма еді.
Желі қолданушылары мұндай жағдайда кішкентай баланың ата-анасы қайда қарап жүргенін сұрап, таңғалып жатыр.
